Blest 2018

Blest 2018

Brak arrangerer Blest for sjuande gong 20. januar 2018. Denne gang i samarbeid med NRK Sogn og Fjordane og Larris Scene. Er du artist, arrangør, booker, manager, produsent eller generelt interessert i musikkbransjen? Bli med på Blest og møt gamle og nye musikkvenner, få fagleg påfyll og ny inspirasjon!

Meld deg på som delegat her

OM FAGPROGRAMMET
Brak presenterer eit variert fagprogram med spennande seminar og debattar og moglegheit til å møte lokal og nasjonal musikkbransje fra 11:00 – 16:00 på Scandic Sunnfjord Hotel & Spa. Du kan blant anna møte representantar frå Nordic Live, MER, Toothfairy, Norske Konsertarrangører, INgrooves, Musikkutstyrsordningen, Rockefeller, Malakoff og Utkantfestivalen.

Konsertproduksjon for papirpushere
Har du lyst på meir kunnskap om korleis prosessen er frå ein artist er booka til ein artist står på scena? Bli med og lær frå Anne Amundsen Myrseth som til dagleg jobbar som produksjonsleier og arrangementsansvarleg på Sentrum Scene, Rockefeller og John Dee i Oslo.

Spotify for artist
Tim Dunham frå INgrooves viser deg “baksida” av Spotify og korleis du som artist kan bruke strømmetenesta på best mogleg vis. INgrooves er ein global digital distributør som distribuerer musikk til alle digitale flater deriblant Spotify, Youtube, film og tv.

I tillegg kan du på våre panelsessions til dømes få vite kva SJUR meiner er viktigast av å bli lista på radio eller strømmetenester, kva Sigrid Moldestad meiner er viktig for å få eit godt samarbeid mellom artist, bookar og scener og korleis Alexander Pavelich frå Nordfjordeid kom til å bli låtskrivar for eit kinesisk boyband.

Komplett program kjem.

KONSERTAR
Med delegatpass får du sjølvsagt tilgang til alle konsertane under festivalen.

BLEST SHOWCASE
16:30 – 17:30
Blest Showcase på Larris Scene. Denne konserten er gratis og open for alle.
Ein jury vel tre artistar som får spele på ein eigen Blest-showcase. Ein av desse tre artistane vinn NRK Sogn og Fjordane sin pris Årets talent og får med dette spele også under utdeling av Luttprisen seinare på kvelden. Dette arrangementet blir sendt direkte på radio og nett-tv og er ei stor moglegheit for å vise seg fram for bransjen.
Bandpåmelding finner du her!

LUTTPRISEN
20:00 – 21:00
NRK Sogn og Fjordane deler ut Luttprisen i forbindelse med Blest 2018. Det er heile tre prisar som skal delast ut – årets artist, årets talent og årets bakom-pris. Det blir eit forrykande show som også skal sendast LIVE på radio og nett-tv. Av dei som skal stå på scena finn vi blant andre Ronny Brede Aase, Sigrid Moldestad og Kjartan Lauritzen.

Du kan vere med å bestemme
Kven som skal få prisen er opp til publikum og ein fagjury. Dei ti som skal kjempe om prisen i år er Erlend Apneseth, Sigrid Moldestad, Kjartan Lauritzen, Silo, Andrea Santiago, Oselie, Ketil Thorbjørnsen, Steinar Karlsen, Månevenn, SJUR og Vilde & Anna. Alle kan vere med i folkejuryen ved å levere si røyst på nettsidene til NRK Sogn og Fjordane fram til 15. januar.
Prisen er eit kunstdiplom av Oddvar Torsheim samt eit stipend på 25.000 kroner frå Sparebanken Vest.

KONSERT PÅ LARRIS
21:30
Bandet som skal avslutte Blest 2018 er fantastiske Fagernes Yacht Klubb! Det blir eit liveshow utanom det vanlige med legendarisk stemning, svette, eufori og oppblåsbare gjenstandar i fri flyt over publikum.

SKAFF DEG DELEGATPASS I DAG
Alt dette kan du få med deg på éin dag, og som delegat heilt gratis. Meld deg på som delegat her!
Du må sjølv dekke reise og overnatting.

Siste nytt